Big "C" Alert (Anti-cancer information)

Big © Alert
Volume 1 No. 1

Matag tawo adunay Big © o cancer cells nga posibleng mosanay sa sulod sa lawas. Dinhi sa Pilipinas, 75% sa makapatay nga cancer anaa sa mga tawong 50 anyos pataas ug 3% sa kabataan nga 0-14 anyos.

Sa matag 1,000 ka mga Pinoy, dunay usa nga posibleng mahiagom sa makapatay nga cancer.

Subay sa Philippine Cancer Control Program sa Department of Health, malikayan ang paggrabe sa cancer kung undangon ang pagpanigarilyo ug paglaklak sa makahubog nga ilimnom; likayan ang subra kaparat ug mantika-on nga pagkaon ug subrang ka-init sa adlaw; dili magpasubra sa timbang, ug dili mag-expose sa piligrong chemicals, sama sa asbestos, vinyl, chloride, chromate, nickel, ug uban pa.

Samtang ang mga eksperto sa cancer nga sila si Dr. Alan Paul Olavere sa The Medical City ug Dr. Domingo Ganzon sa Makati Medical Center nagkahiusa pag-ingon nga singko porsyento lamang sa mga pasyente sa cancer ang makagahom sa mahal kaayong tambal, sama sa chemo ug cobalt.

Dugang nila nga bisag natambalan na ang pasyente, posible pa gihapon nga mobalik ang cancer. Ang cancer magdulot og grabeng kasakit sa lawas ug makahubas pa gyud sa bulsa. Mao nga sila si Dr. Olavere ug Dr. Ganzon mitambag nga hugtan sa usag-usa ang pag-ampo sa Diyos.

Gisiksik, gipatik ug gipakatag sa
ROWJOE S. FELICILDA MEMORIAL CANCER INFO PROJECT
Cagayan de Oro City, Misamis Oriental, Phils
+63909-6555396 * jdelpf@yahoo.com